Heiarvang grendahus er eit offentleg forsamlingshus og leigetakarane pliktar å følgje politivedtektene for Askøy kommune. Det betyr at leigetakar er ansvarleg for
- at arrangementet føl det føremålet som er avtalt
- å undersøkje med Askøy lensmannskontor om krav til vakthald og anna
- å søkje ambulerande skjenkeløyve frå Askøy kommune dersom det skal seljast / serverast alkohol
- å gjere seg kjend med brannforskriftene (IK-forskriften -> finst som plakat på veggen ved kjøkkenet.)
Særskilt brannobjekt
- Huset er definert som særskilt brannobjekt. Det betyr at vi pliktar å følgje krav frå branntilsyn og å informere leigetakarane våre om kva brannførebyggjande og branntekniske tiltak som er i huset.
Det er ikkje automatisk brannvarsling i huset.
- Ved brann skal leigetakar sørgje for at folk evakuerer huset snarast mogleg,
- ringje Brannvesenet – tlf. 110 og
- prøve å sløkkje brannen med dei midlane som finst i huset
- Brannslange (30 meter) finst i skap i trappeoppgangen ved scenen
- Brannsløkkingsapparat (skum) er plassert ved scenen og ved naudutgangane i hovudsalen og ved utgangsdørene i kjellarsalen
- Brannteppe heng på kjøkenveggen i nærleiken av komfyren
- Røykvarslarar er plassert i kjellarsal og i trappeoppgang i sør
Universell utforming med meir
- Rullestolrampe på østsida av huset
- Handicaptoalett i kjellaretasjen
- Hjartestartar finst på kjøkkenet
Leigetakar kan bli gjort ansvarleg for
- å dekkje kostnader med å reparere skadeverk i huset som vert gjort under arrangementet.
Avlysing
- Dersom leigetakar vil avlyse arrangementet, skal Heiarvang ha beskjed så snart som mogleg. Send helst e-post eller SMS slik at du har dokumentasjon.
- Pass også på at du får stadfesting frå oss.
